Til sjávar og sveita humarpasta með beikoni

Aðalréttur

Innihald

• 500 g tagliatelle
• 200 g humarhalar
• 50 g beikon
• 40 g sveppir
• 20 g parmesan-ostur
• 25 g smjör
• ½ dl matreiðslurjómi
• 1-2 búnt steinselja
• 2 hvítlauksrif
• 1 tsk. furuhnetur
• ½ tsk. hvítvínsedik
• 40 ml ólífuolía
• Chili-flögur
• Salt

Aðferð

• 1.

  Búið til hvítlauksolíu með því að hræra pressuð hvítlauksrif saman við olíu. Saxið steinselju og bætið út í ásamt salti. Setjið til hliðar.

• 2.

  Bræðið smjör á pönnu, steikið sveppina og saltið létt. Þegar sveppirnir eru orðnir dökkir, setjið beikonbita út á pönnuna. Þegar þeir eru fullsteiktir, setjið sveppi og beikon á disk og geymið.

• 3.

  Setjið hvítlauksolíuna á pönnu á vægum hita. Setjið hreinsaða humarhala út á stráið chili-flögum yfir og steikið í skamma stund þar til halarnir hvítna og án þess að hvítlaukurinn brúnist eða brenni. Setjið rifinn parmesan út á ásamt hvítvínsediki og rjóma. Saltið létt og piprið.

• 4.

  Setjið beikon og sveppi út í og leyfið þessu að malla í u.þ.b. 5 mínútur.

• 5.

  Sjóðið pastað í potti á meðan. Saltið vatnið mjög vel. Sigtið vatnið frá og hellið humrinum ásamt sósunni yfir pastað. Stráið ferskri steinselju og ristuðum furuhnetum yfir.

• 6.

  Berið fram með fersku salati, góðu snittubrauði og parmesan til að rífa yfir.