Uppskriftir
Steiktir-laxabitar

Steiktir laxabitar með hvítlaukskartöflumús og grískri engifersósu

Aðalréttur

Innihald

  • Hráefni
  • 800 g lax
  • Ólífuolía og smjör til steikingar
  • Safi úr einni sítrónu
  • Hvítlaukskartöflumús
  • 8 hvítlauksgeirar, með hýðinu
  • 1 tsk. ólífuolía
  • 10 meðalstórar kartöflur
  • 11⁄2 dl rjómi
  • 1 dl sýrður rjómi
  • 6 msk. smjör
  • Sjávarsalt og hvítur pipar eftir smekk
  • Grísk sósa með engifer
  • 350 g grísk jógúrt
  • 1 agúrka
  • 2-3 hvítlauksrif, söxuð mjög smátt eða pressuð
  • 2 msk. engiferrót, rifin smátt
  • 1 msk. ólífuolía
  • Salt og pipar

Aðferð

  • 1.

    Hitið ofninn í 180 gráður. Leggið álpappír eða bökunarpappír á ofnplötu. Raðið hvítlauknum á ofnplötuna og bakið í um 25 mínútur. Takið úr ofninum og kælið. Kreistið hvítlaukinn úr hýðinu ofan í skál. Maukið vel með gaffli.

  • 2.

    Á meðan hvítlaukurinn er í ofninum eru kartöflurnar settar í pott með vatni og salti. Sjóðið kartöflurnar í um 30 mínútur eða þar til þær eru orðnar mjúkar í gegn.

  • 3.

    Á meðan kartöflurnar sjóða er sýrðum rjóma, rjóma, smjöri og hvítlauk hent á pönnu og það hitað á vægum hita.

  • 4.

    Kartöflurnar eru afhýddar og stappaðar saman. Blandið rjómablöndunni saman við kartöflumúsina í áföngum. Kryddið með salti og pipar.

  • 5.

    Skerið agúrkuna í tvennt, hreinsið fræin innan úr henni og rífið hana síðan niður á grófustu hlið rifjárnsins. Blandið saman við grísku jógúrtina, ásamt hvítlauk, engifer og ólífuolíu. Saltið, piprið og kælið í ísskáp áður en sósan er borin fram.

  • 6.

    Steikið laxabitana upp úr ólífuolíu og smjöri á meðalháum hita eða þar til laxinn er orðinn gullinbrúnn. Kreistið þá sítrónuna yfir laxinn og steikið áfram í 4-6 mínútur (fer eftir þykkt bitanna).

Aðrar uppskriftir