Uppskriftir
Smjörsteikt langa

Smjörsteikt langa með sveppum og rjómasósu

Aðalréttur

Innihald

  • 800 g langa
  • 2 dl heilhveiti
  • 1 askja sveppir
  • 3–4 msk. smjör
  • 1–2 dl rjómi
  • 200 g rjómaostur
  • 1 msk. hunang
  • 1 tsk. Dijon sinnep
  • Salt
  • Pipar
  • 150 g spínat
  • 60 g vínber, skorin í tvennt
  • 20 litlar, soðnar kartöflur

Aðferð

  • 1.

    Smjörsteikið sveppina og setjið til hliðar.

  • 2.

    Veltið fiskinum upp úr heilhveiti (bætið karrí eða chili-pipar út í til að fá meira bragð) og smjörsteikið á pönnu við nokkuð háan hita, 2 mín. á hvorri hlið þar til fiskurinn fer að gyllast.

  • 3.

    Lækkið hitann, setjið rjóma og rjómaost út í og látið malla þar til úr verður sósa.

  • 4.

    Bætið hunangi, sinnepi og sveppum saman við.

  • 5.

    Setjið lokið á og látið malla við vægan hita í u.þ.b. 10 mín.

  • 6.

    Smakkið til með salti og pipar.

  • 7.

    Sjóðið kartöflurnar og bætið þeim í heilu lagi út á pönnuna.

  • 8.

    Setjið spínat og vínber ofan á og berið fram í pönnunni.

Aðrar uppskriftir