Uppskriftir

Ofnbakað eggaldin með osti og tómötum

fyrir 4

Meðlæti

Innihald

  • 2 eggaldin, skorin langsum í skífur
  • 1 tsk salt
  • 2-3 msk ólífuolía
  • 4 þroskaðir tómatar, saxaðir smátt
  • 1 knippi steinselja, söxuð smátt
  • 1-2 hvítlauksrif, söxuð smátt
  • Ca 60 gr rifinn mozzarellaostur
  • Salt og svartur pipar

Aðferð

  • 1.

    Ofn hitaður í 200 gráður, undir- og yfirhita.

  • 2.

    Eggaldinskífurnar eru lagðar á bretti og saltinu dreift yfir þær Látið liggja á í ca. 10 mínútur Vökvinn sem myndast hefur á yfirborðinu, ásamt saltinu, er þá þerraður með pappír .

  • 3.

    Eggaldinskífurnar eru þá steiktar upp úr olíu á pönnu þar til þær eru mjúkar.

  • 4.

    Leggið skífurnar í eldfast mót, reynið að raða ekki ofan á hvor aðra.

  • 5.

    Tómatarnir eru steiktir á pönnu í ólífuolíu, steinselju og hvítlauk bætt við og leyft að malla í smá stund. Bætið þá rifna ostinum út í tómatblönduna
    og blandið saman þar til osturinn er bráðnaður.

  • 6.

    Pannan tekin af hellunni og kryddað með salti og pipar.

  • 7.

    Blöndunni er svo dreift yfir eggaldinskífurnar og bakað í miðjum ofni við 200 gráður í ca. 15 mínútur.

Aðrar uppskriftir