Melónu- og vínberjasalat

Með hunangs- og engiferdressingu

Aðalréttur

Innihald

• 1/3 melóna að eigin vali
• Vínberjaklasi
• 1 poki klettasalat
• 80gr fetaostur
• 1 msk. ólífuolía
• 2 msk. hunang
• 2 msk. rifin engiferrót
• Salt og nýmalaður svartur pipar
• 1 msk. límónusafi

Aðferð

• 1.

  Setjið hunang í skál og rífið tvær matskeiðar af engifer út í með litlu rifjárni.

• 2.

  Kreistið safa úr einni límónu og bætið matskeið af safanum saman við.

• 3.

  Saltið og piprið eftir smekk.

• 4.

  Skerið börkinn af melónunni og skerið hana í teninga.

• 5.

  Setjið melónubitana út í dressinguna og veltið þeim vandlega upp úr leginum.

• 6.

  Dreifið klettasalati á stórt fat eða disk og kryddið með salti og pipar.

• 7.

  Hellið kúfaðri matskeið af góðri ólífuolíu yfir salatið.

• 8.

  Dreifið melónubitum, fetaosti og vínberjunum yfir.