Uppskriftir

Léttsteiktar gæsabringur með bláberjasósu

Aðalréttur

Innihald

  • Gæsabringur með fitu
    Bláberjasósa
  • ½ laukur, fínt saxaður
  • 3 msk. olía
  • 1 tsk. timjan
  • 1 dl óáfengt rauðvín
  • 1 msk. balsamedik
  • 1 dl bláber
  • 1 msk. bláberjasulta
  • 4 dl villibráðarsoð
  • 30 g kalt smjör í teningum
  • salt og pipar

Aðferð

  • 1.

    Kryddið gæsabringur með salti og pipar og steikið upp úr olíu á vel heitri pönnu í 1-2 mínútur á hvorri hlið eða þar til bringurnar eru orðnar fallega brúnaðar.

  • 2.

    Færið bringurnar inn í 180°C heitan ofn í 4 mínútur. Takið bringurnar út og látið standa í 4 mínútur. Endurtakið, þannig að bringurnar séu samanlagt 12
    mínútur í ofninum.

  • 3.

    Látið lauk krauma í olíu í potti í 1 mínútu. Bætið þá timjani, rauðvíni, ediki, bláberjum og bláberjasultu út í og sjóðið niður um ¾.

  • 4.

    Hellið villibráðarsoðinu í pottinn. Setjið sósuna í matvinnsluvél, bætið smjöri við og maukið vel. Hellið sósunni aftur í pottinn og hitið að suðumarki.

  • 5.

    Berið bringurnar fram með bláberjasósunni og t.d. steiktum kartöflum og grænmeti.

Aðrar uppskriftir