Uppskriftir

Lambaprime marinerað í ferskum kryddjurtum og rauðvíni

Aðalréttur

Innihald

  • Hráefni
    - 1kg Lambaprime (Kjötbankinn)
    - 1 búnt rósmarín
    - 1 búnt tímian
    - 10 anísstjörnur
    - Þurrt rauðvín (má sleppa og nota ólífuolíu í staðinn)
    - Svartur Pipar eftir smekk
  • Rósmarín & Timian Kartöflur
    - 500gr rauðar kartöflur
    - Rósmarín
    - Timían
    - 3 geirar hvítlaukur
    - 50 gr smjör
    - Salt og pipar eftir smekk
  • Hunangsgljáðar Regnbogagulrætur
    - 8 Íslenskar regnbogagulrætur
    - 1/3 Bolli olífuolía
    - Salt eftir smekk
    - Hunang eftir smekk
  • Viskísósa sem þig mun dreyma um
    - 3-4 stórir skarlottulaukar
    - 3 Hvítlauksgeirar
    - 500gr Hvítir sveppir
    - 250gr Kastaníu sveppir
    - 50ml Viskí
    - 50gr smjör til steikingar
    - 500ml matreiðslurjómi
    - 1stk Villisveppaostur
    - ½ askja rjómaostur m. karameleseruðum lauk
    - Skvetta balsamik edik
    - 1 tsk nautakraftur

Aðferð

  • 1.

    Hráefni

    Á skurðarbretti merjið þið með hníf rósmarín og timian.
    Piprið kjötið og setjið í zip lock poka ásamt kryddjurtum, anísstjörnum og rauðvíni. Marenerið í minnst klukkutíma og allt að sólarhring.

  • 2.

    Rósmarín & Timian Kartöflur

    – Stillið ofninn á 180 blástur.
    – Í stórt eldfast mót setjið þið kartöflur skornar í helminga eða fjórðunga og blandið þeim vel með ólífuolíu, smáskornum/kreistum hvítlauk og smátt skornu jurtunum.
    – Bætið við 50gr af smjöri og saltið og piprið eftir smekk.
    – Þegar ofninn er búinn að hitna skellið þið þeim inn í 30mín eða þangað til þær verða mjúkar og fallega brúnar. Gott að hreyfa aðeins við þeim eftir 15mín

  • 3.

    Hunangsgljáðar Regnbogagulrætur

    – Hitið ofninn í 180°C Blástur
    -Skerið gulrætur í tvennt langsum, setjið í eldfastmót og veltið uppúr olíu.
    -Setjið gulræturnar í ofninn og bakið í 15mín,
    -Takið nú gulræturnar úr ofninum og veltið uppúr smá hunangi og saltið,
    -Setjið aftur í ofninn í 3-5 mín.

  • 4.

    Viskísósa sem þig mun dreyma um

    – Skerið smátt skarlottulauk, hvítlauk og sveppi. Hafið restina af hráefnunum tilbúin á kantinum. (Gott er að gera þessa sósu á pönnu en pottur virkar líka)
    – Hitið pönnu/pott á meðalháum hita
    – Steikið skarlottulaukinn á miðlungshita uppúr olífuolíu þar til hann er farinn að vera glær en ekki brúna hann.
    – Bætið nú við hvítlauk og steikið í mínútu.
    – Setjið laukinn og hvítlaukinn í skál til hliðar
    – Sveppirnir fara á pönnuna og þurrsteikið þar til mesti vökvinn er farinn úr þeim.
    – Núna er viskíinu bætt á pönnuna, passið að pannan sé ekki of heit. Það er tvennt í stöðunni núna – kveikja í viskíinu eða leyfið því að gufa upp. Farið varlega, blossinn getur verið stór.
    – Þegar viskíið gufar upp bætið þið smjörinu á pönnuna og steikið þar til sveppirnir eru búnir að sjuga í sig smjörið.
    – Bætið skarlottulauknum og hvítlauknum saman við
    – Bætið við 400ml af rjóma í sósuna. Geymið 100ml ef þið viljið þynna hana seinna.
    – Þegar rjóminn er farinn að malla rólega bætið þið við rjómaostinum og villisveppaostinum og hrærið vel saman.
    – Að lokum bætið þið við krafti og balsamik ediki eftir smekk og hrærið

Aðrar uppskriftir