Uppskriftir

Lambamínútusteik með hressandi salati

fyrir 4

Aðalréttur

Innihald

  • 800-900 g lambamínútusteik
  • 2 msk ólífuolía
  • 2 hvítlauksgeirar, kramdir
  • ½ sítróna, börkur rifinn fínt
  • ¼ tsk sjávarsalt
  • ⅛ tsk svartur pipar, nýmalaður
    Hressandi salat
  • 1 skalotlaukur, saxaður smátt
  • ½ tsk sjávarsalt
  • 1 msk rauðvínsedik
  • 3 msk sýrður rjómi 18%
  • 150 ml ólífuolía
  • 4 msk graslaukur, skorinn fínt
  • 1 romain salat, eða iceberg
  • ¼ tsk svartur pipar, nýmalaður
  • ½ sítróna, safi

Aðferð

  • 1.

    Blandið ólífuolíu, hvítlauk og sítrónuberki saman í litla skál.

  • 2.

    Þerrið kjötið og setjið á fat.

  • 3.

    Hellið kryddleginum yfir og nuddið vel yfir allt kjötið.

  • 4.

    Hitið pönnu og hafið á háum hita.

  • 5.

    Steikið kjötið í 1-2 mín. á hvorri hlið, eða eftir smekk.

  • 6.

    Sáldrið salti og pipar yfir, setjið kjötið á bretti.

  • 7.

    Setjið álpappír yfir og látið hvíla í a.m.k. 5 mín. áður en það er borið fram.

  • 8.

    SALAT

    Setjið skalotlauk, ½ tsk af salti og ediki í skál og hrærið saman.

  • 9.

    Látið standa við stofuhita í 15 mín.

  • 10.

    Blandið sýrðum rjóma og ólífuolíu saman við ásamt 2 msk af graslauk.

  • 11.

    Rífið salatið gróflega niður, þvoið og þerrið.

  • 12.

    Setjið í skál og blandið saman við salt og pipar.

  • 13.

    Blandið sítrónusafa saman við salatið og setjið það yfir á disk.

  • 14.

    Dreifið sósunni yfir salatið áður en það er borið fram og dreifið restinni af graslauknum yfir.

    Setjið steikina á disk og berið fram með stökkum kartöflum eða frönskum og fersku salatinu ásamt sítrónu til að kreista yfir.

Aðrar uppskriftir