Uppskriftir

Kjúklingaréttur í rjómasósu

Aðalréttur

Innihald

  • 4 sneiðar beikon
  • 600 – 700 g kjúklingalæri í piparmarineringu
  • Salt og pipar
  • 1 rauðlaukur, saxaður
  • 200 g sveppir, gróft saxaðir
  • 1 lítið búnt af timjan
  • 180 ml kjúklingasoð
  • 180 ml rjómi
  • 1/3 bolli rifinn parmesan-ostur
  • Safi úr 1/2 sítrónu
  • Fínt söxuð steinselja

Aðferð

  • 1.

    Steikið beikonið þar til það er orðið vel stökkt og þerrið sneiðarnar á eldhúspappír.

  • 2.

    Hitið pönnuna upp í miðlungsháan hita og steikið kjúklinginn í 5 mínútur eða þar til hann er gullinbrúnn, snúið kjúklingnum og steikið í 5 mínútur til viðbótar.

  • 3.

    Takið kjúklinginn af pönnunni og setjið til hliðar. Setjið laukinn á pönnuna og steikið þar til hann fer að mýkjast, bætið svo sveppunum saman við og kryddið með salti og pipar. Látið steikjast og hrærið vel og reglulega í pönnunni.

  • 4.

    Bætið því næst kjúklingasoði, rjóma, parmesan, timjani og sítrónusafa á pönnuna. Látið suðuna koma upp og látið malla í um 5 mínútur.

  • 5.

    Setjið kjúklinginn aftur á pönnuna og látið malla þar í 10 mínútur eða þar til hann er fulleldaður og sósan hefur þykknað.

  • 6.

    Saxið beikonið niður og sáldrið yfir kjúklinginn, skreytið með steinselju og berið fram.

Aðrar uppskriftir