Uppskriftir

Humarpasta með sveppum og beikoni

Aðalréttur

Innihald

  • 400 g skelflettir humarhalar
  • 20 g parmensan-ostur
  • 50 g beikon
  • 4 g smjör
  • 40 g sveppir
  • 1⁄2 dl matreiðslurjómi
  • 2 hvítlauksrif
  • 1 tsk. furuhnetur
  • 1⁄2 tsk. hvítvínsedik
  • Olífuolía
  • 1 búnt fersk steinselja, söxuð
  • Chili-flögur
  • Pasta að eigin vali

Aðferð

  • 1.

    Útbúið hvítlauksolíu með því að hræra mörðum hvítlauk saman við olíu, salt og steinselju og leggið til hliðar.

  • 2.

    Bræðið smjör á pönnu, steikið sveppina upp úr því og saltið létt. Þegar sveppirnir hafa brúnast, skerið beikonið og setjið út á pönnuna með sveppunum. Takið af pönnunni og setjið til hliðar.

  • 3.

    Hellið hvítlauksolíunni á pönnu á vægum hita, setjið humarinn út á og chili-flögur yfir. Gætið þess að hvítlaukurinn brúnist ekki eða brenni.

  • 4.

    Setjið rifinn parmesan út á ásamt hvítvínsediki og matreiðslurjóma. Saltið og piprið eftir smekk.

  • 5.

    Setjið beikon og sveppi út í og leyfið að malla í u.þ.b. 5 mínútur eða á meðan pastað er soðið.

  • 6.

    Hellið vatninu frá pastanu og blandið humri og sósu saman við. Þurrsteikið furuhnetur og stráið yfir ásamt steinselju.

  • 7.

    Berið fram með góðu snittubrauði og meiri parmesan.

Aðrar uppskriftir