Uppskriftir

Hægeldaður grísabógur í spennandi kryddlegi

Aðalréttur

Innihald

  • 1 kg grísabógur
  • 1⁄2 gulrót, skorin í bita
  • 1 laukur, skorinn í báta
  • 3 hvítlauksrif
  • 2,5 dl eplasíder
  • 1,5 dl vatn
    Kryddlögur
  • 3⁄4 dl púðursykur
  • 1⁄2 msk. kakó
  • 1⁄2 tsk. rauðar piparflögur
  • 1⁄2 tsk. kanill
  • 1⁄2 tsk. reykt paprika
  • 1⁄2 tsk. salt
  • 1⁄2 tsk. sinnepsduft
  • 3⁄4 dl tómatsósa
  • 2 msk. ólífuolía

Aðferð

  • 1.

    Stillið ofninn á 150°C.

  • 2.

    Hrærið saman hráefnunum sem eiga að fara í kryddlöginn og makið honum yfir allt kjötið.

  • 3.

    Leggið grísabóginn í ofnskúffu eða í pott með loki sem má fara í ofn, raðið gulrótarbitum, laukbátum og hvítlauk meðfram og hellið eplasíder og vatni í ofnskúffuna.

  • 4.

    Setjið í ofninn og eldið í 2 tíma. Hyljið þá með álpappír eða setjið lok á og eldið áfram í 21⁄2 tíma.

  • 5.

    Takið kjötið úr ofninum og leyfið því að standa í 20 mínútur.

  • 6.

    Síið grænmetið frá, hrærið upp í soðinu og notið í sósu.

    Hægt er að tæta kjötið frá beininu með gaffli og nota í hamborgarabrauð eða vefjur ásamt hrásalati, eða bera fram á gamla góða mátann með kartöflum og sósu.

Aðrar uppskriftir