Grísahnakkasneiðar í rjóma-karrísósu

Aðalréttur

Innihald

• Hráefni
  4-6 sneiðar grísahnakki
• Smjör til að steikja upp úr
• Tómatsósa
• Dijon sinnep
• Karríduft
• Paprikuduft
• Worchestershire sósa
• Rifsberjahlaup
• Salt og pipar
• 1/2 l rjómi
• Meðlæti
  Soðin hrísgrjón
• Græn paprika, í litlum bitum
• Bananar, í þykkum sneiðum
• Hvítlauksbrauð

Aðferð

• 1.

  Bræðið smjöriklípu í stórri pönnu. Leggið hnakkasneiðarnar í heitt smjörið, smyrjið þunnu lagi af sinnepi á báðar hliðar og látið malla í stutta stund.

• 2.

  Snúið sneiðunum við og smyrjið tómatsósu á aðra hliðina. Steikið í smástund og svo koll af kolli: Snúið, kryddið með karrídufti, snúið  aftur, kryddið með paprikudufti, snúið og smyrjið 1/2 msk. af Worchestershire sósu á hvora hlið.

• 3.

  Smyrjið að lokum sultu á aðra hliðina og kryddið með salt og pipar eftir smekk.

• 4.

  Látið hnakkasneiðarnar malla í maukinu í smástund og setjið þær síðan í eldfast fat.

• 5.

  Hellið  rjómanum á pönnuna, hrærið saman við maukið og hellið yfir sneiðarnar. Bakið í 15 mín. við 200 C.

• 6.

  Sjóðið hrísgrjónin og blandið hráum paprikubitum og bananasneiðum saman við. Berið fram með grísahnakkasneiðunum ásamt hvítlauksbrauði.