Uppskriftir

Grísabógsneiðar með sveppasósu og sætkartöflumús

Aðalréttur

Innihald

  • 1 pk. grísabógsneiðar
  • 1 msk. fersk salvía, söxuð (einnig hægt að nota þurrkaða)
  • 1 msk. ferskt rósmarín, saxað
  • 5 hvítlauksgeirar
  • 1 msk. fennelfræ
  • 1 tsk. sjávarsalt
  • 1 tsk. nýmalaður pipar
  • 1 tsk. hvítvín (matreiðsluvín eða hvítvínsedik)
  • 1 msk. olía
    Rjómasveppasósa
  • 1 askja sveppir
  • 1 peli rjómi (250 ml)
  • Grænmetisteningur
  • Smjörklípa
  • Salt og pipar
  • Rifsberjahlaup og sósulitur, ef vill
    Sætkartöflumús með hvítlauk
  • 1-2 sætar kartöflur
  • 1-2 hvítlauksrif, pressuð
  • Smjörklípa
  • Múskat (duft eða hneta til að rífa niður)
  • Salt og pipar

Aðferð

  • 1.

    Hitið ofninn í 130 gráður.

  • 2.

    Maukið hvítlaukinn með kryddinu (með töfrasprota eða í matvinnsluvél). Bætið hvítvíni og olíu saman við og hrærið varlega. Nuddið kryddmaukinu vel á allt kjötið.

  • 3.

    Setjið í pott/ofnfast fat með loki og inn í ofn þar til hitastig kjötsins hefur náð 65°C (miðlungssteikt) til 75°C (mikið steikt). Takið kjötið út og látið það standa í 15 mín.

  • 4.

    Skerið sveppina niður, bræðið smjör í potti, steikið á háum hita og kryddið með salti og pipar.

  • 5.

    Þegar sveppirnir eru orðnir brúnir, lækkið hitann og setjið rjómann út í ásamt 1⁄2 grænmetisteningi. Bætið hinum helmingnum við síðar ef þurfa þykir.

  • 6.

    Takið smá soð úr pottinum til að bragðbæta sósuna. Látið hana malla á lágum hita og hrærið reglulega. Ef vill má bragðbæta með rifsberjahlaupi og bæta sósulit út í í lokin.

  • 7.

    Afhýðið sætar kartöflur, skerið í bita og sjóðið. Hellið vatninu frá og stappið eða maukið kartöflurnar. Setjið smjörklípu út í ásamt pressuðum hvítlauk og kryddi.

  • 8.

    Berið réttinn fram með sætri kartöflumús, rjómasveppasósu og fersku salati.

Aðrar uppskriftir