Uppskriftir

Fyllt kalkúnarbringa með stökkri parmaskinku

Aðalréttur

Innihald

  • - 1 fersk kalkúnarbringa frá Kjötbankanum
    - 10 stk parmaskinkusneiðar
    - 4msk Dijon sinnep
    - 500gr flúðasveppir
    -3 skarlottlaukar
    -3 hvitlauksgeirar
    - 100gr smjör
    - ólífuolía
    - 2 greinar tímian
  • Hvítvínssósa:
    - 500ml matreiðslurjómi (Ms)
    - 1tsk Dijon sinnep (Maille)
    - 150ml Ósætt hvítvín
    - ½ Askja rjómaostur með karameleseruðum lauk (Ms)
    - 1 Skarlottlaukur
    -2 hvítlauksgeirar
    - 1tsk kalkúnarkrydd (Mc Cormick)
    - 1msk rifsberjahlaup
  • Gular baunir:
    - 1 poki frostnar gular baunir
    - 50gr smjör (Ms)
    - 100ml rjómi (Ms)
    - 1msk fljótandi nautakraftur (Oscar)
    - 1 bolli rifinn parmesan (Michaelangelo Parmigiano Reggiano 30 mánaða)
    - Svartur pipar
  • Stuffingurinn hennar Möggu Karls:
    - 16 Bollar Fransbrauð (2 heil brauð) (Myllan)
    - 3 Bollar Laukur
    - 3 Bollar sellerí
    - 1 Bolli smjör (Ms)
    - 2 tsk salt
    - 1 tsk Kalkúnakrydd (Mc Cormick)
    - 1 tsk Salvía
    - Pipar eftir smekk
    - ½ bolli kjúklingasoð

Aðferð

  • 1.
    • Gott að reyna að finna pönnu sem er nógu stór til að rúma kalkúnarbringuna (allt verður gert í sömu pönnu, þó ekki á sama tíma)
    • Ekki skola eða þurrka pönnuna á milli rétta
    • Skerið sveppi, hvítlauk og skarlottulauk eins smátt og hægt er
    • Hitið pönnuna á miðlungsháan hita, bætum við olíu og bræðum smjörið
    • Steikið léttilega laukinn og hvítlaukinn þar til þeir eru farnir að vera glærir
    • Bætið við sveppum og plokkið timianblöðin af greininni og bætið saman við
    • Steikið blönduna í um 10mínútur, færið síðan blönduna úr pönnu í ílát og geymið
    • Á sömu pönnu steikið nú parmaskinku þar til hún verður stökk og fallega brún og geymið til hliðar
    • Stillið ofnin á 150°C blástur
    • Skerið vasa í kalkúnarbringuna og smyrjið að innan með dijon sinnepi
    • Setjið sveppablönduna inní vasann ásamt stökkri parmaskinkunni
    • Á sömu pönnu bræðið um 50 gr af smjöri og varlega leggið fyllta bringuna niður á pönnuna
    • Brúnið bringuna á báðum hliðum þangað til fallega brún
    • Færið bringuna úr pönnu í eldfastmót og stingið kjarnhitamæli í þykkasta partinn
    • Eldið bringuna þar til kjarnhitinn segir 72°C
    • Takið bringuna úr ofninum, breiðið lauslega yfir með álpappír og leyfið henni að hvílast í 20mínutur.
  • 2.

    Hvítvínssósa

    • Á sömu pönnu og kalkúnninn var steiktur á (Fyrir meira bragð) steikið uppúr olíu og smjöri skarlottulauk og hvítlauk.
    • Bætið við hvítvíni og leyfið því að sjóða niður um helming
    • Bætið við dijon sinnepi og rjóma (leyfið að byrja að malla og skellið útí rjómaosti)
    • Leyfið þessu aðeins að eldast áður en þið bætið við kalkúnarkryddi og rifsberjahlaupi eftir smekk
  • 3.

    Gular baunir

    • Í potti á miðlungshita, náið frosti úr gulum baunum í allt að 10 mínútum
    • bætið smjöri við og steikið þar til baunirnar eru farnar að brúnast örlítið
    • bætið nú við rjóma og krafti
    • leyfið því að bubbla í nokkrar mínútur, hrærið vel
    • varlega blandið saman við rifnum parmesanosti
    • eldið nú þar til allt fer að þykna saman
    • smakkið til með salti og svörtum pipar
  • 4.

    Stuffingurinn hennar Möggu Karls

    • Skerið brauðið niður í teninga (skorpan er ekki nýtt)
    • Skerið laukinn og selleríið smátt
    • Hitið smjörið á miðlungsheitri pönnu (Ekki láta smjörið bubbla)
    • Bætið lauknum og selleríinu á pönnuna og steikið þar til hráefnin eru orðin glær og mjúk
    • Setjið brauðteningana í stórt fat
    • Kveikið á ofninum, 180°C blástur
    • Stráið kryddunum yfir teningana og blandið vel
    • Setjið nú smjörið, laukinn og selleríið saman við og blandið aftur
    • í lokinn fer svo kjúklingasoðið (Vatn og kraftur)
    • Blandið öllu vel saman og setjið í eldfast mót
    • Fatið fer inn í ofn í ca 12-17 mínútur eða þar til efstu teningarnir eru farnir að brúnast

Aðrar uppskriftir