Dádýrasteikur í trufflumaríneringu með sætum kartöflum og grilluðum aspas

Aðalréttur

Innihald

• Dádýrasteikur í trufflumaríneringu
• 2 sætar kartöflur
• 1 búnt aspas
• Salt og pipar
• Parmesan-ostur

Aðferð

• 1.

  Afhýðið sætar kartöflur og skerið í litla bita. Smyrjið þær með olíu, saltið og piprið.

• 2.

  Bakið kartöflurnar í ofni á 200°C eða þar til þær eru mjúkar í gegn.

• 3.

  Saltið og piprið steikina.

• 4.

  Grillið á heitu grilli þar til steikin hefur náð rúmlega 60°C kjarnhita.

• 5.

  Hvílið kjötið undir álpappír í 15 mínútur áður en það er borið fram.

• 6.

  Grillið aspas á heitu grilli og rífið síðan Parmesan-ost yfir.

• 7.

  Berið steikina fram með aspasi, sætum kartöflubátum og þinni uppáhaldssósu.