Uppskriftir

Andalæri í appelsínusósu með kartöflumús

Aðalréttur

Innihald

  • 1 dós niðursoðin andalæri
  • Rósakál
  • Appelsínusósa
    100 g sveppir
  • 1 msk. smjör
  • 4 msk. sykur
  • 1 dl vatn
  • 1 tsk. hvítvínsedik
  • 4 dl nýkreistur appelsínusafi
  • 400 ml vatn
  • 1 msk. kjúklingakraftur
  • 50 g kalt smjör í teningum
  • Salt og pipar
  • Sósujafnari
  • Kartöflumús
    1000 g forsoðnar kartöflur
  • 100 g smjör
  • 1 1/2 dl mjólk
  • 1 msk. sykur
  • Salt og pipar

Aðferð

  • 1.

    Hitið ofninn í 200°C. Raðið andalærunum í eldfast mót, hreinsið fyrst sem mest af fitunni af þeim. Steikið í ofni í u.þ.b. 30-35 mín.

  • 2.

    Setjið rósakálið í eldfast mót ásamt u.þ.b. 1 msk. af andarfitu. Veltið kálinu vel upp úr fitunni, kryddið með salti og bakið í ofni í 30-35 mín.

  • 3.

    Lagið sósuna. Setjið sykur og vatn á pönnu. Látið sjóða þar til karamellan brúnast. Skerið niður sveppina og steikið upp úr smjöri á annarri pönnu. Hvítvínsedikinu er bætt út í karamelluna, hrært í og soðið þar til þykkt síróp myndast. Hrærið appelsínusafanum saman við. Sjóðið sósuna niður um u.þ.b. helming. Bætið vatninu, sveppunum og kraftinum út í og þykkið með sósujafnara, hrærið vel. Slökkvið undir sósunni og bætið smjörinu út í, hrærið í og passið að sósan sjóði ekki eftir þetta. Smakkið til með salti og pipar.

  • 4.

    Stappið kartöflurnar í hrærivél eða með kartöflustappara. Bræðið smjörið og blandið saman við ásamt mjólkinni. Kryddið með salti og pipar.

Aðrar uppskriftir