Ananasdrykkur með bönunum og appelsínusafa

Drykkir

Innihald

• 400 g vel þroskaður ananas
• 1 stór, vel þroskaður banani
• 100 ml hreinn appelsínusafi
• 50 ml soja- eða möndlumjólk (má sleppa)
• Nokkrir ísmolar

Aðferð

• 1.

  Setjið ísmolana í blandara og hellið svolitlu af safanum út í. Blandið í nokkrar sekúndur.

• 2.

  Afhýðið ananasinn, kjarnhreinsið og skerið í bita.

• 3.

  Setjið 400 g af ávextinum út í blandarann ásamt afganginum af appelsínusafanum.

• 4.

  Blandið í um 30 sekúndur eða þangað til maukið er silkimjúkt.

• 5.

  Afhýðið bananann og bætið honum út í ásamt mjólkinni. Blandið í um 10 sekúndur. Bætið meiri mjólk út í ef þið viljið þynnri drykk.

• 6.

  Berið fram í háu glasi.

  Drykkurinn bragðast best ferskur.