Nettó heimilið

Nettó fjölskyldan

  • Nettó - Fjölskyldan

    Við fáum að kynnast Lilju sem er 10 ára gömul stúlka. Hún er hress, uppátækjasöm og eldklár sérfræðingur í Scrabble. Hún er hvers manns hugljúfi og nýtur sín hvergi betur en innan um fjölskylduna sína. Vissulega væri hún sælli með að fá aðeins meiri tíma með Sillu systur, sem henni þykir ekki alveg búin með unglingaveikina.

  • Nettó - Fjölskyldan

    Gunnar og Pablo kynntust fyrir slysni á Römblunni fyrir nokkrum árum. Augun mættust í spænsku sólsetri og ekki var aftur snúið.

  • Nettó - Fjölskyldan

    Sennilega var það velhirta ljósa hárið sem lokkaði Pablo að borðinu og við vitum fyrir víst að það var suðræna matargerðin sem Gunnar féll fyrir. Báðir tikka fyrir lífrænu, mismikið þó. Gunnar slær til dæmis hendinni seint á móti fiskibollum úr dós í bleikri.

  • Nettó - Fjölskyldan

    Mamman, hún Halla, er kona á framabraut. Sterk, ákveðin – upptekin og gríðarlega vel skipulögð. Hefur t.d. ekki misst úr spinning á virkum kl. 06:10 síðan síðla árs 2012. Það fer ekkert framhjá okkar konu. Hún á nokkuð skrautlegt hjónaband að baki með æskuástinni sinni, honum Gunnari. Burtséð frá því hafa þau bæði fundið ástina í örmum annarra manna. Þau áttu þá eitthvað sameiginlegt, fyrir utan börni tvö, eftir allt!

  • Nettó - Fjölskyldan

    Skúli, nýi maðurinn hennar mömmu, er svo rúsínan í pylsuendanum. Maðurinn sem Halla vissi ekki einu sinni að hana langaði að eiga. En lífið kemur á óvart og þessi rúmlega fertugi endurskoðandi er ekki bara prins drauma Höllu heldur einhver skemmtilegasti stjúppabbi sem hugsast getur. Svo er hann ansi liðtækur með sláttuvélina og hikar ekki við að láta til sín taka í garðinum við hliðina. Geggjuð týpa með laumu-góða söngrödd.

  • Nettó - Fjölskyldan

    Silla systir sem er sautján ára er gríðarlega upptekin, af sjálfri sér. Hún er í menntaskóla og er sennilega fullmikið í símanum enda búin að koma sér upp vænum fylgjendahópi á Instagram sem vissara er að sinna. Samfélagsmiðlarnir sýna enga miskunn.

  • Nettó - Fjölskyldan

    Þegar við drögum þetta saman sjáum við að hér fer fullkomnlega ófullkomin fjölskylda sem áhugavert verður að fylgjast með á næstunni. Fyrir alla muni, ekki missa af næsta þætti.

Forsíða

Sjónvarpsauglýsingar

  • Skúli pabbi er týpan sem gengur í flest verk en hér sjáum við hann í algjörlega nýju ljósi.

  • Hér sjáum við Lilju þeysast um í hátíðarskapi- hún ætlar að redda þessum jólum!

  • Nettó fjölskyldan er litrík og fjölbreytt – eða eins og venjuleg nútímafjölskylda á Íslandi.

  • Sent eða sækt.

  • Nettó fjölskyldan er komin í HM gírinn.